Liham Para Kay Ama

ME, Nanay Aure, Tatay Eliseo, Ate Jing sa Serendra, The Fort - Dec.22, 2011

Dear Tatay,

Para sa akin, siyempre ikaw ang pinaka da-best na tatay sa buong mundo.

Lahat naman ng mga anak yan din ang sasabihin, pero I mean it.

Alam ko halos half of my life di na kita nakakasama ng madalas

Malayo kasi ako parati at matagal ding di umuwi sa atin

Marami akong gunita na gustong balikan.

L-R: nephew John, ME, nephew Allen, niece Jannea, Nanay Aure,
Tatay Eliseocousin Fe, nephew Nikko at nephew Jon
 sa Serendra, The Fort - Dec. 22, 2011

Isa na doon noong bata pa ako ay tinuruan mo akong sumakay sa likod ng kalabaw

Ganun na din ang pagsama ko sa’yo para mangahoy na kabayo ang sinakyan natin

Di ko talaga malilimutan noong minsan nagpunta tayo sa gubat para mangahoy

Pauwi na tayo noon ng biglang tumakbo nang mabilis ang kalabaw

Tangan-tangan ako kasama na ang “kangga” na may lamang mga kahoy

Pinilit mong habulin ang kalabaw pero ang bilis nito ay di mo kinaya

Di mo alam kung ano ang nangyari sa akin pero ng dumating ka

Laking pasalamat mo na ako ay ligtas at galos lang ang natamo

Kumapit kasi ako ng mahigpit sa ibabaw ng mga kahoy

Habang matuling kumukuripas pababa ng burol ang kalabaw

Tatay Eliseo, eldest child Ate Jing sa Serendra,
The Fort, Bonifacio Global City - Dec. 22, 2011

Naalala ko rin ng una mo akong dinala sa laot para mangisda

Imbes na kabahan ako ay tila walang akong takot

Kasi alam kung kapiling kita at superhero ang dating mo sa akin

Nagsasaka ka ng bukirin at sinikap mo akong turuan ng pag-aararo

Natuto naman ako pero sa isip ko di eto ang klase ng buhay na gusto ko

I honor you for the decent way of raising us

ME, Tatay, John, Nanay  sa Market Market - Dec. 22, 2011

At ikinararangal ko ikaw bilang isang simpleng magsasaka

Sa tindi ng pisikal na hirap ay nangako ako sa gitna ng palayan

Na mag-aaral akong mabuti para makaraos tayo

Ngayon, unti-unti  nang nabubuo ang mga pangarap

Pangarap na binitawan ko habang nasa gitna ng init ng palayan

ME, Tatay, John, Nanay sa Market Market - Dec. 22, 2011

Pero, anu't-ano man ang marating ko sa buhay

Babalik balikan ko pa rin ang mga alaala kung paano mo ako

Tinuruan upang makatindig sa sarili kong mga paa

Baon ko lagi ang mga pangaral mo

Magsumikap, huwag manlamang sa kapwa,

Lumaban kung nasa tama at magpakumbaba

L-R: Tatay, Nanay, Wife ko Wida, pinsan Fe, niece Jannea, Ate Jing,
nephew OR and niece Jia - bonding sa MOA sa harap ng higanteng
Ferris Wheel - Dec.22, 2011

 Simple lang ang sulat na eto tatay,

Pero habang sinusulat ko eto ay tumutulo ang luha ko

Luha ng pag-aalala, pagmamahal, paggugunita sa mga nakalipas

Luha ng unti-unting tagumpay.

Di ako mauubusan ng pasasalamat sa iyo

Di ko man o namin laging nasasabi sa’yo

Kung gaano ka naming kamahal

At kung gaano ka kahalaga sa aming lahat

Idinadaan ko nalang sa panulat para maiparating ko

Ang aking (aming) taos-pusong pasasalamat sa iyo

Ate Jing, Jannea, ME, Nanay, Tatay, Jia, OR, Fe, John Nikko, Jon
sa Serendra, The Fort - Dec. 22, 2011

Di ko na eto in-edit basta kung ano ang lumabas sa isip ko

At dinidikta ng puso ko sinulat ko na.

Maligayang Araw ng mga Tatay

Hangad ko(naming) na magkasama pa tayo ng matagal

Marami pang tawanan, halakhakan, at kulitan

Na magaganap sa atin.

At matutupad ang muli nating pagtitipon-tipon sa buwan ng Mayo sa taong 2013 

Kasama ko lahat ng mga kapatid ko at mga apo niyo.

Walang sawang magmamahal sa'yo

Ang iyong anak,

Jay